Құрметті әріптестер, қадірлі қауым! Сіздерді Ұлыстың ұлы күні – Наурыз мейрамымен шын жүректен құттықтаймын! Наурыз – табиғатпен бірге тіршілік атаулының жаңарып, жаңа үміт пен жаңа бастамаларға жол ашатын ерекше мейрам. Бұл – өткенді саралап, болашаққа нық қадам жасауға үндейтін, береке мен бірліктің, татулық пен ізгіліктің символы. Наурызнама онкүндігі аясында ұйымдастырылып жатқан игі шаралар қоғамдағы өзара сыйластықты арттырып, жанашырлық пен қамқорлықты дәріптей түседі. Әр шаңыраққа құт-береке дарып, дастарқандарымыз молшылыққа толып, ақ тілектер айтылатын берекелі кезең болсын. Еліміз аман, жұртымыз тыныш болсын! Ұлыс оң болсын, ақ мол болсын!
